Mera Kuch Saamaan, Tumhare Paas Pada Hai
Mera Kuch Saamaan, Tumhare Paas Pada Hai
Ho Saawan Ke Kuch Bheege Bheege Din Rakkhe Hain
Ho Aur Mere Ek Khat Mein Lipti Raat Padi Hai
Woh Raat Bujha Do, Mera Woh Saamaan Lauta Do
Woh Raat Bujha Do, Mera Woh Saamaan Lauta Do

Mera Kuch Saamaan, Tumhare Paas Pada Hai
Ho Saawan Ke Kuch Bheege Bheege Din Rakkhe Hain
Ho Aur Mere Ek Khat Mein Lipti Raat Padi Hai
Woh Raat Bujha Do, Mera Woh Saamaan Lauta Do

Patjhad Hai Kuch, Hai Na

Ho Patjhad Mein Kuch Patton Ke, Girne Ki Aahat
Kaanon Mein Ek Baar Pahan Ke, Lautaayee Thi
Patjhad Ki Woh Shaakh Abhi Tak Kaanp Rahi Hai
Woh Shaakh Gira Do, Mera Woh Saamaan Lauta Do
Woh Shaakh Gira Do, Mera Woh Saamaan Lauta Do

Ek Akeli Chhatri Mein Jab, Aadhe Aadhe Bheeg Rahe The
Ek Akeli Chhatri Mein Jab, Aadhe Aadhe Bheeg Rahe The
Aadhe Sookhe Aadhe Geele, Sookha To Main Le Aayee Thi
Geela Man Shaayad Bistar Ke Paas Pada Ho
Woh Bhijwa Do, Mera Woh Saamaan Lauta Do

Ek Sau Solah Chand Ki Raatein, Ek Tumhare Kaandhe Ka Til
Ek Sau Solah Chand Ki Raatein, Ek Tumhare Kaandhe Ka Til
Geeli Mehndi Ki Khushboo, Jhooth-Mooth Ke Shikve Kuch
Jhooth-Mooth Ke Vaade Bhi Sab Yaad Kara Doon
Sab Bhijwa Do, Mera Woh Saamaan Lauta Do
Sab Bhijwa Do, Mera Woh Saamaan Lauta Do

Ek Ijaazat De Do Bas, Jab Isko Dafnaaoongi
Main Bhi Wahin So Jaaoongi
Main Bhi Wahin So Jaaoongi