Jab Zero Diya Mere Bharat Ne
Bharat Ne Mere Bharat Ne
Duniya Ko Tab Ginti Aayee
Taaron Ki Bhaasha Bharat Ne
Duniya Ko Pehle Sikhlayee

Deta Na Dashamlav Bharat To
Yoon Chand Pe Jaana Mushkil Tha
Dharti Aur Chand Ki Doori Ka
Andaaza Lagana Mushkil Tha

Sabhyata Jahan Pehle Aayee
Sabhyata Jahan Pehle Aayee
Pehle Janmi Hai Jahan Pe Kala
Apna Bharat Woh Bharat Hai
Jiske Peeche Sansaar Chala
Sansaar Chala Aur Aage Badha
Yoon Aage Badha Badhta Hi Gaya
Bhagwan Kare Yeh Aur Badhe
Badhta Hi Rahe Aur Phoole Phale
Badhta Hi Rahe Aur Phoole Phale

Chup Kyon Ho Gaye?
Aur Sunaao

Hai Preet Jahan Ki Reet Sada

Hai Preet Jahan Ki Reet Sada
Hai Preet Jahan Ki Reet Sada
Main Geet Wahan Ke Gaata Hoon
Bharat Ka Rehnewala Hoon
Bharat Ki Baat Sunaata Hoon
Hai Preet Jahan Ki Reet Sada

Kaale Gore Ka Bhed Nahin
Har Dil Se Hamara Naata Hai
Kuch Aur Na Aata Ho Humko
Humein Pyar Nibhaana Aata Hai
Jise Maan Chuki Saari Duniya
Ho Jise Maan Chuki Saari Duniya
Main Baat
Main Baat Wohi Dohrata Hoon
Bharat Ka Rehnewala Hoon
Bharat Ki Baat Sunaata Hoon
Hai Preet Jahan Ki Reet Sada

Jeete Hon Kisine Desh To Kya
Humne To Dilon Ko Jeeta Hai
Jahan Ram Abhi Tak Hai Nar Mein
Naari Mein Abhi Tak Sita Hai
Itne Paawan Hain Log Jahan
O Itne Paawan Hain Log Jahan
Main Nit Nit
Main Nit Nit Sheesh Jhukata Hoon
Bharat Ka Rehnewala Hoon
Bharat Ki Baat Sunaata Hoon

Itni Mamta Nadiyon Ko Bhi
Jahan Maata Kehke Bulaate Hain
Itna Aadar Insaan To Kya
Patthar Bhi Pooje Jaate Hain
Us Dharti Pe Maine Janam Liya
Ho Us Dharti Pe Maine Janam Liya
Yeh Soch
Yeh Soch Ke Main Itraata Hoon
Bharat Ka Rehnewala Hoon
Bharat Ki Baat Sunaata Hoon
Hai Preet Jahan Ki Reet Sada