Koi Jab Tumhara Hriday Tod De
Tadapta Hua Jab Koi Chhod De
Tab Tum Mere Paas Aana Priye
Mera Dar Khula Hai, Khula Hi Rahega, Tumhare Liye
Koi Jab Tumhara Hriday Tod De

Abhi Tumko Meri Zaroorat Nahin, Bahut Chaahnewale Mil Jaayenge
Abhi Roop Ka Ek Saagar Ho Tum, Kanwal Jitne Chaahogi Khil Jaayenge
Darpan Tumhe Jab Daraane Lage, Jawaani Bhi Daaman Churaane Lage
Tab Tum Mere Paas Aana Priye
Mera Sar Jhuka Hai, Jhuka Hi Rahega, Tumhare Liye
Koi Jab Tumhara Hriday Tod De
Tadapta Hua Jab Koi Chhod De

Koi Shart Hoti Nahin Pyar Mein, Magar Pyar Sharton Pe Tumne Kiya
Nazar Mein Sitaare Jo Chamke Zara, Bujhaane Lagi Aarti Ka Deeya
Jab Apni Nazar Mein Hi Girne Lago, Andheron Mein Apne Hi Ghirne Lago
Tab Tum Mere Paas Aana Priye
Yeh Deepak Jala Hai, Jala Hi Rahega, Tumhare Liye
Koi Jab Tumhara Hriday Tod De
Tadapta Hua Jab Koi Chhod De