Tu Na Rona Ki Tu Hai Bhagat Singh Ki Maa
Marke Bhi Laal Tera, Marega Nahin
Ghodi Chadhke To Laate Hain Dulhan Sabhi
Hanske Har Koi Phaansi, Chadhega Nahin

Ishq Azaadi Se, Aashiqon Ne Kiya
Dekh Lena Use Hum Biyaa Laayenge
(Ae Watan, Ae Watan, Humko Teri Kasam
Teri Raahon Mein Jaan Tak Lutaa Jaayenge
Ae Watan, Ae Watan)

Jab Shaheedon Ki Arthi, Uthe Dhoom Se
Deshwalon Tum Aansoo Bahaana Nahin
Par Manaao Jab Azaad Bharat Ka Din
Us Ghadi Tum, Humein Bhool Jaana Nahin
Lautkar Aa Sake, Na Jahaan Mein To Kya
Yaad Banke Dilon Mein To Aa Jaayenge
(Ae Watan, Ae Watan, Humko Teri Kasam
Teri Raahon Mein Jaan Tak Lutaa Jaayenge
Ae Watan, Ae Watan)