Apne Aap Raaton Mein Chilmanen Sarakti Hain
Chaukte Hain Darwaze Seedhiyan Dhadakti Hain
Apne Aap, Apne Aap

Ek Ajnabi Aahat Aa Rahi Hai Kam Kam Si
Jaise Dil Ke Pardon Par Gir Rahi Ho Shabnam Si
Bin Kisiki Yaad Aaye Dil Ke Taar Hilte Hain
Bin Kisike Khankaaye Chudiyaan Khanakti Hain
Apne Aap, Apne Aap

Koi Pehle Din Jaise Ghar Kisike Jaata Ho
Jaise Khud Musafir Ko Raasta Bulaata Ho
Paaon Jaane Kis Jaanib Beuthaaye Uthte Hain
Aur Chham Chhama Chham Chham Payalen Jhanakti Hain
Apne Aap, Apne Aap Raaton Mein

Jaane Kaun Baalon Mein Ungliyaan Pirota Hai
Khelta Hai Paani Se Tan Badan Bhigota Hai
Jaane Kiske Haathon Se Gaagaren Chhalakti Hain
Jaane Kiski Baahon Se Bijliyaan Lapatti Hain
Apne Aap

Apne Aap Raaton Mein Chilmanen Sarakti Hain
Chaukte Hain Darwaze Seedhiyan Dhadakti Hain
Apne Aap, Apne Aap