Koi Phool Kahin Na Khila, Phir Khushboo Kahan Se Aayee
Koi Patta Nahin Hila, Phir Kaise Chali Purvai
Koi Phool Kahin Na Khila, Phir Khushboo Kahan Se Aayee
Koi Patta Nahin Hila, Phir Kaise Chali Purvai
Chaahat Ke Khumaar Ka, Yeh Jaadu Hai Pyar Ka
Mujhe Ho Gaya Hai Pyar, Kis Se, Tumse
Mujhe Ho Gaya Hai Pyar, Tumse, Haan Haan Tumse
Koi Phool Kahin Na Khila, Phir Khushboo Kahan Se Aayee
Koi Patta Nahin Hila, Phir Kaise Chali Purvai

Din Ki Ujli Dhoop Mein Bhi, Mujhko Chand Nazar Aaye
Garmi Ke Is Aalam Mein, Baraf Badan Kyon Barsaaye
Ho Chandan Ke Lagne Se Bhi, Tan Ki Aag Nahin Bujhti
Bin Preetam Ke Kaliyon Ki, Sej Badan Mein Hai Chubhti
Koi Honth Kahin Na Khula, Phir Kaise Baji Yeh Sargam
Hai Waqt Yahin Thehra, Phir Kaise Dhala Yeh Mausam
Chaahat Ke Khumaar Ka, Yeh Jaadu Hai Pyar Ka
Mujhe Ho Gaya Hai Pyar, Kis Se, Tumse
Mujhe Ho Gaya Hai Pyar, Tumse, Haan Haan Tumse

Aao Is Khamoshi Mein, Dhadkan Ki Awaaz Sunein
Milke Hum Tanhaai Mein, Bechaini Ke Khwaab Bunein
Hum Itne Nazdeek Rahe, Do Saansein Ek Saath Chalen
Madmaati Madhoshi Mein, Ulfat Ke Armaan Palen
Koi Dor Kahin Na Dikhi, Phir Kaise Jude Yeh Bandhan
Do Praan Kahin Na Mile, Phir Kaise Mile Hai Jeevan
Chaahat Ke Khumaar Ka, Yeh Jaadu Hai Pyar Ka
Mujhe Ho Gaya Hai Pyar, Kis Se, Tumse
Mujhe Ho Gaya Hai Pyar, Tumse, Haan Haan Tumse