Jo Vaada Kiya Woh Nibhaana Padega
Roke Zamana Chaahe Roke Khudaai, Tumko Aana Padega
Jo Vaada Kiya Woh Nibhaana Padega

Sabhi Ahl-E-Duniya Yeh Kehte Hain Humse
Ki Aata Nahin Koi Mulq-E-Adam Se
Aaj Zara Shaan-E-Wafa Dekhe Zamana, Tumko Aana Padega
Jo Vaada Kiya Woh Nibhaana Padega

Yeh Maana Humein Jaan Se Jaana Padega
Par Yeh Samajhlo Tumne, Jab Bhi Pukara, Humko Aana Padega
Jo Vaada Kiya Woh Nibhaana Padega

Hum Aate Rahe Hain, Hum Aate Rahenge
Mohabbat Ki Rasmein Nibhaate Rahenge
Jaan-E-Wafa Tum Do Sadaa Phir Kya Thikaana, Humko Aana Padega
Jo Vaada Kiya Woh Nibhaana Padega, Nibhaana Padega

Hamari Kahani Tumhara Fasaana
Hamesha Hamesha Kahega Zamana
Kaisi Balaa Kaisi Sazaa Humko Hai Aana, Humko Aana Padega
Jo Vaada Kiya Woh Nibhaana Padega